ABŞ Ukraynada xüsusi əməliyyata başlayır

Ağ Ev ABŞ-ın Ukraynaya bütün hərbi yardım səylərini birləşdirərək onları vahid missiyada birləşdirməyi planlaşdırır.

Teleqraf.com xəbər verir ki, bu barədə "Wall Street Journal" məlumat yayıb.

Qeyd olunur ki, yeni əməliyyata xüsusi kod adı veriləcək və onun rəhbərliyi Ukrayna hərbçilərinə təlim keçmək və Ukrayna Silahlı Qüvvələrinə yardım göstərmək üzrə Amerika proqramına rəhbərlik edəcək konkret generala həvalə olunacaq.

Nəşr qeyd edir ki, bu, Vaşinqtonun Amerika ordusunun konkret döyüş əməliyyatlarında iştirak etməsi faktının rəsmi etirafıdır. İkincisi, yalnız bundan sonra Konqres müttəfiqlərə uzunmüddətli məqsədyönlü maliyyə vəsaiti ayırmağa, habelə hərbi sifarişlərin ödənilməsində möhlətlər verməyə başlaya bilər.

Səylərin əlaqələndirilməsinə cavabdeh olan komandirin seçilməsi Pentaqonun Ukraynaya daimi yardım qrupu yaratmaq niyyətindən xəbər verir.