Ukrayna ordusu Rusiyanın Ka-52 helikopterini vurdu

“Ukrayna Hərbi Hava Qüvvələri daha bir Ka-52 helikopterini vurub”.

Teleqraf.com xəbər verir ki, bu barədə məlumatı Ukrayna Hərbi Hava Qüvvələri komandanlığının spikeri Yuri İqnat deyib.

“Həqiqətən bir saat əvvəl işğalçıların daha bir Ka-52 helikopteri cənubda, Xerson vilayətində vurulub. Elə bir gün əvvəl bu hava komandanlığının hərbçiləri X-101 raketlərini məhv ediblər. Bundan başqa, gecə ərzində düşmənin daha 2 PUA-sı vurulub. Şərqdə bizim quru qoşunlarının hava hücumundan müdafiəsi də boş oturmur. Düşmənin Su-25 hücum təyyarəsi məhv edilib”, - deyə İqnat bildirib.

O qeyd edib ki, döyüş təcrübəsi sayəsində düşmənin daha çox qanadlı raketləri məhv edilir:

“Təəssüf ki, düşmənin Ukraynada buraxdığı bütün raketləri effektiv şəkildə vurmaq mümkün deyil, çünki həm ballistik raketlər, həm də son dərəcə sürətli raketlər var ki, bunlar, təəssüf ki, bizim xidmətdə olan vasitələrin gücündən kənardadır”.

Onun sözlərinə görə, aviasiyamız hava zərbələri endirməkdən əl çəkmir: Rusiya təcavüzü başlayandan indiyədək işğalçı qüvvələrə qarşı 2400-ə yaxın hava zərbəsi endirilib.

İqnat onu da vurğulayıb ki, düşmən getdikcə köhnəlmiş silahlardan istifadə edir.