Brüssel Rusiya qazı ilə bağlı yuxarı qiymət həddi tətbiq edəcək?

“Avropa İttifaqı (Aİ) Rusiya qazı üçün yuxarı qiymət həddini tətbiq etməkdən imtina edə bilər, lakin enerji şirkətlərinin izafi mənfəətinə gözlənilməz vergilərin tətbiqində israrlıdır.

Teleqraf.com xəbər verir ki, bu barədə “Gardian” nəşri yazıb.

Nəşr bildirir ki, təcili elektrik təchizatı aləti ilə bağlı qərar layihəsində nə Rusiya qazı, nə də idxal olunan qaz üçün qiymət tavanı nəzərdə tutulub.

Aİ-nin aşağı karbonlu enerji istehsalçıları üçün ayrıca gəlir həddi ilə qalıq yanacaq şirkətlərinin yüksək mənfəətindən gözlənilməz vergilər tutacağı gözlənilir.

Avropa Komissiyasının sədri Ursula fon der Leyenin sentyabrın 14-də birliyin illik vəziyyəti ilə bağlı çıxışı zamanı Avropanın artan elektrik enerjisi qiymətləri ilə mübarizə planını açıqlayacağı gözlənilir.

Yekun mətn hələ də dəyişə bilər, lakin layihə Komissiyanın Rusiya qazının tədarükünü məhdudlaşdırmaq üçün Aİ üzv dövlətlərindən kifayət qədər dəstək alacağına dair şübhələrini göstərir.

2022-ci il sentyabrın 2-də Avropa Komissiyasının rəhbəri Ursula fon der Leyen Rusiya qazına qiymət həddi tətbiq etməyin vaxtı çatdığını bildirib. Avropa İttifaqının qaz anbarları 80 faiz dolub.

Macarıstan, Slovakiya və Avstriya da daxil olmaqla Rusiyadan böyük həcmdə qaz idxal edən Aİ-yə üzv dövlətlər Rusiya qazının qiymətlərinin məhdudlaşdırılmasına qarşı çıxıblar, çünki onlar Kremlin bütün qaz tədarükünü dayandıracağından və ölkələrini resessiyaya sürükləyəcəyindən ehtiyat edirlər.

Ondan çox ölkə, xüsusən də Fransa və Polşa bütün idxal olunan qaza yüksək qiymət tətbiq etməyi təklif ediblər ki, bu da onların fikrincə, kəskin qiymət artımının qarşısını almağın ən yaxşı yoludur.