Rus ordusu Zaporojyeyə hava zərbəsi endirdi

Rus ordusu gecə saatlarında Zaporojyedə infrastruktura hücum edib.

Teleqraf.com xəbər verir ki, bu barədə merin səlahiyyətlərini icra edən, Zaporojye Şəhər Şurasının katibi Anatoli Kurtev məlumat verib:

“Zaporojye yenidən düşmən hücumuna məruz qalıb. Şəhərin infrastruktur müəssisələrindən birinin yaxınlığında partlayış qeydə alınıb. Zərbə səbəbindən işıqlar kəsilib”.

Qeyd edək ki, bu gecə şəhərdə hava xəbərdarlığı dəfələrlə - saat 00:04-dən 00:24-dək, 02:00-dan 02:53-dək, 05:59-dan 06:12-dək elan edilib.

Sosial şəbəkələrdə gecə yarısından az sonra partlayışlar barədə məlumat yayılıb.