Ukrayna hərbçiləri Kupyansk şəhərini tamamilə azad etdi

Ukrayna ordusu Xarkov vilayətinin Kupyansk şəhərini tamamilə azad edib.

Teleqraf.com xəbər verir ki, bu barədə Ukrayna Silahlı Qüvvələrinin nümayəndəsi Sergey Veliçko bildirib.

"Yaxşı əlaqələndirilmiş hərəkətlər nəticəsində ordumuz Oskol çayını uğurla keçdi və bu, qüvvələrimizə düşməni şəhərin sol sahilindən çıxarmağa imkan verdi", - Veliçko qeyd edib.

S.Veliçko əlavə edib ki, Oskolun sol sahilində Ukrayna hərbçilərinin əks-hücum əməliyyatı uğurla davam edir.

Qeyd edək ki, şəhərin bir qisminin azad olunması barədə ilk məlumat sentyabrın 10-da yayılıb.