Zelenski Ərdoğana təşəkkür etdi – “Bu məsələdə önəmli rolu var”

Ukrayna Prezidenti Vladimir Zelenski türk həmkarı Rəcəb Tayyib Ərdoğanla telefon danışığından sonra paylaşdığı videomüraciətdə Türkiyə liderinə təşəkkür edib.

Teleqraf.com xəbər verir ki, Zelenski Ərdoğanın Rusiya və Ukrayna arasında əsir mübadiləsində önəmli rol oynadığını deyib.

“Bir daha Prezident Ərdoğana xalqımızın Rusiya əsarətindən azad edilməsinə kömək etdiyinə görə təşəkkür etdim. “Azovstal”dan gələn komandirlər yaxın vaxtlarda yaxınları ilə görüşə biləcəklər. Biz məsələ üzərində işləyirik”, - Ukrayna prezidenti vurğulayıb.

Zelenski həmçinin Prezident Ərdoğanla müdafiə sahəsində əməkdaşlığın daha da inkişaf etdirilməsini müzakirə etdiklərini bildirib.