Monqolustan da hərəkətə keçdi – İki ölkə ilə birlikdə…

Monqolustanda Rusiyadan Çinə avtonəqliyyat dəhlizinin tikintisinə başlanılıb, yol Tsaqanur və Dayan sərhəd keçidlərini birləşdirəcək.

Teleqraf.com xəbər verir ki, bu barədə Monqolustanın “Aysi” informasiya portalı məlumat yayıb.

“Fevralın 1-dən Monqolustan-Rusiya sərhədi yaxınlığında yerləşən Tsaqanurda azad ticarət zonası fəaliyyətə başlayıb. Fevralın 2-də isə bu keçid məntəqəsinin Monqolustan-Çin sərhədi yaxınlığındakı Dayan sərhəd keçid məntəqəsi ilə birləşdirilməsi üzrə işlərə başlanılıb”, – məlumatda qeyd edilib.

Portalın məlumatına görə, söhbət Monqolustan ərazisindən Rusiyadan Çinə gedən ən qısa yol marşrutundan gedir.

Uzunluğu 745 km olan tranzit dəhlizi Bayan-Ulgiy və Xodov vilayətlərindən keçəcək və Novosibirskdən Urumçiyə uzanan böyük beynəlxalq avtomobil yolunun (4500 km) bir hissəsinə çevriləcək.