Rumıniya səmasında şarabənzər şübhəli obyekt göründü

Rumıniyada səmada 11 min metr hündürlükdə şarabənzər naməlum obyekt görünüb.

Teleqraf.com xəbər verir ki, Rumıniya Hərbi Hava Qüvvələrinin hava müşahidə sistemi ölkənin cənub-şərqində hava zonduna bənzər xüsusiyyətlərə malik kiçik hava hədəfi aşkar ediblər.

Ölkənin Müdafiə Nazirliyindən qeyd edilib ki, Hərbi Hava Qüvvələrinə məxsus iki MiQ-21 LanceR təyyarəsinin ekipajları hava hədəfinin nə vizual olaraq, nə də radarlarda olduğunu təsdiqləməyiblər.

Təyyarələr təxminən 30 dəqiqə ərazidə havada olub, sonra onlar aviabazaya qayıdıblar.