Dünyanın ən yaşlı aslanı öldürüldü - Lunkito

Dünyanın ən yaşlı aslanı olduğu düşünülən Lunkito Keniyada kəndlilər tərəfindən nizə ilə öldürülüb.

Teleqraf.com xəbər verir ki, bu barədə Keniya Vəhşi Təbiət Xidmətinin (KWS) sözçüsü Pol Jinaro açıqlama verib.

19 yaşlı erkək aslan Lunnkito mayın 10-da Amboseli Milli Parkı ilə həmsərhəd Olkelunyit kəndində öldürülüb.

Zəif düşmüş yaşlı aslan yemək axtarmaq üçün parkı tərk edərək kəndə daxil olub. Təşvişə düşən kəndlilər onu nizə ilə öldürüblər.

“Lion Guardians” adlı təşkilatı Lunkitonun ekosistemdəki, bəlkə də Afrikadakı ən yaşlı erkək aslan olduğunu açıqlayıb.

Ümumdünya Təbiət Fondunun (WWF) məlumatına görə, aslanların əksəriyyəti Afrikada, bəziləri isə Hindistanda yaşayır, vəhşi təbiətdə orta ömrü 13 ildir.