Uğurlu əks-həmlə: Mövqelər ələ keçirildi

Son sutka ərzində Ukrayna və Rusiya arasında 36 hərbi toqquşma baş verib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumatda deyilir ki, ruslar 5 beş istiqamətdə fəallıq göstərsələr də, heç nəyə nail ola bilmirlər. Rusiya ordusu Şaxtyor istiqamətində Blaqodatnı rayonunda itirilmiş mövqelərini bərpa etməyə cəhd etsələr də, nəticə əldə olunmayıb.

Ukrayna ordusu Marin istiqamətində də hücuma keçən Rusiya qoşunlarını dayandırıb.

“Müdafiə qüvvələri Baxmut istiqamətində Klişçivka və Kurdyumivka ərazilərində düşməni cilovlayır. Avdivdə düşmən aviasiyası və artilleriyasından güclü atəşə tutulan müdafiəçilərimiz rus qoşunlarının hücumlarını uğurla dəf ediblər”, - Baş Qərargah bildirib.

Bundan əlavə, Rusiya ordusunun Zaporoje istiqamətində Novopokrovka yaxınlığındakı hücum əməliyyatı da nəticəsiz bitib.

Ukrayna ordusunun Berdyan və Melitopol istiqamətlərində əks-hücum əməliyyatları davam edir. Ukraynalılar azad etdikləri mövqelərdə möhkəmlənirlər.