Gürcüstanda təbii fəlakət nəticəsində ölənlərin sayı yenidən artdı - Yeniləndi

Gürcüstanın qərbindəki Şovi bələdiyyəsi ərazisində baş vermiş torpaq sürüşməsi nəticəsində ölənlərin sayı yenidən artıb.

Teleqraf.com xəbər verir ki, bu barədə Gürcüstan Daxili İşlər Nazirliyi məlumat yayıb.

Bildirilib ki, daha iki nəfərin cəsədi torpağın altından çıxarılıb. Bununla da torpaq sürüşməsi nəticəsində ölənlərin sayı 17-ya çatıb.

Həlak olanların 7-sinin kimliyi artıq müəyyən olunub.

20:21

Gürcüstanın qərbindəki Şovi bələdiyyəsi ərazisində baş vermiş torpaq sürüşməsi nəticəsində ölənlərin sayı yenidən artıb.

Teleqraf.com xəbər verir ki, bu barədə Gürcüstan Daxili İşlər Nazirliyi məlumat yayıb.

Bildirilib ki, daha bir nəfərin cəsədi torpağın altından çıxarılıb. Bununla da torpaq sürüşməsi nəticəsində ölənlərin sayı 16-ya çatıb.

Hazırda daha 24 nəfərin axtarışları davam edir.

Həlak olanların 7-sinin kimliyi artıq müəyyən olunub.

18:55

Gürcüstanın Şovi kurort bölgəsində baş vermiş güclü torpaq sürüşməsi nəticəsində ölənlərin sayı 15 nəfərə çatıb.

Teleqraf.com xəbər verir ki, bu barədə ölkənin Daxili İşlər Nazirliyinin mətbuat xidməti məlumat yayıb.

“Daha iki nəfərin meyiti tapılıb. Ölənlərin sayı 15 nəfərdir”, - məlumatda deyilir.

Qeyd edək ki, xilasetmə əməliyyatında 4 helikopter, həmçinin 400 yanğınsöndürən və xilasedici iştirak edir. İndiyədək 210 nəfər təxliyə edilib. Gürcüstanın Baş naziri İrakli Qaribaşvili avqustun 7-ni ölkədə matəm günü elan edib.