Astanada Ukrayna sammiti olmayacaq

Astanada Ukrayna böhranı ilə bağlı keçirilməsi nəzərdə tutulan "Norman formatı”nda görüş baş tutmaya bilər. Bu barədə Almaniyanın Xarici İşlər Nazirliyi rəsmi məlumat yayıb.

Teleqraf.com-un məlumatına görə, bunun başlıca səbəbi indiyədək görüşün vacib detallarının razılaşdırılmamasıdır:

“Norman dördlüyü indiyə kimi əsas müzakirə məsələlərini razılaşdıra bilməyib. Bu səbəbdən yanvarın 15-də Ukrayna böhranının nizama salınması ilə bağlı sammit çox ehtimal ki, baş tutmayacaq”.

Müvafiq açıqlamanı Almaniya Xarici İşlər Nazirliyinin nümayəndəsi Martin Şefer ictimaiyyətə çatdırıb.

Nail Cəlil