Sərhəddə qarşıdurma: Pakistan ordusu əməliyyata başladı

Pakistanın Əfqanıstanla sərhədində atışma baş verib.

Teleqraf.com xəbər verir ki, silahlı qarşıdurma zamanı 3 nəfər həlak olub.

Pakistan Silahlı Qüvvələrinin açıqlamasında deyilir ki, təhlükəsizlik qüvvələri bölgədə silahlı terrorçuların mövcudluğu ilə bağlı kəşfiyyat məlumatı aldıqdan sonra Şimali Vəziristanın Mira Şah şəhəri ərazisində əməliyyata başlayıb.

Pakistan qüvvələri müəyyən edilmiş nöqtəyə yaxınlaşdıqda bir qrup yaraqlı onlara atəş açıb. Nəticədə əməliyyata rəhbərlik edən mayor və bir əsgər həlak olub. Terrorçulardan isə bir nəfər ölüb.