Şoyqu: "Zaporojye istiqamətdə vəziyyət gərgindir"

"Xüsusi əməliyyat zonasında ən gərgin vəziyyət Zaporojye istiqamətində formalaşıb".

Teleqraf.com xəbər verir ki, bunu Rusiyanın müdafiə naziri Sergey Şoyqu jurnalistlərə açıqlaması zamanı deyib:

"Düşmən döyüşə strateji ehtiyatdan olan briqadaları cəlb edib, onların şəxsi heyəti Qərb təlimatçılarının rəhbərliyi altında hazırlanıb".

Şoyqu bildirib ki, Rusiya hərbçilərinin sayəsində Ukrayna bölmələrinə xeyli ziyan vurmaq, Novoselovskoye qəsəbəsini nəzarətə götürmək və cəbhə xətti boyunca mövqeləri yaxşılaşdırmaq mümkün olub.