Blinken Qarabağda baş verənləri “qeyri-adi əməliyyat” adlandırdı

ABŞ dövlət katibi Entoni Blinken Azərbaycanın Qarabağ iqtisadi zonasında apardığı antiterror tədbirlərini "qeyri-adi əməliyyat" adlandırıb.

Teleqraf.com xəbər verir ki, adının açıqlanmasını istəməyən ABŞ rəsmisi bildirib ki, Blinken antiterror tədbirlərinin dayandırılması üçün Azərbaycanla danışıqlar aparacaq.

“Bunun bir gecədə baş verməsi narahatedicidir, xüsusən də ona görə ki, dünən biz Laçın yolu ilə yüklərin daşınmasında müəyyən irəliləyiş gördük”, - deyə rəsmi "Reuters"ə deyib.

Onun sözlərinə görə, Blinken yaxın 24 saat ərzində Ermənistan və Azərbaycanla danışıqlar aparacaq.