İtirilmiş mövqeləri geri almaq istədilər – 57 toqquşma baş verdi

Rusiya qoşunları cəbhənin müxtəlif istiqamətlərində itirilmiş mövqelərini bərpa etmək cəhdlərini davam etdirir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ötən gün belə cəhdlər Qriqorivka, Klişçivka, Andriv və Avdiyiv yaxınlığında qeydə alınıb. Göstərilən istiqamətlərdə tərəflər arasında 57 toqquşma baş verib.

Ukrayna ordusu şərq və cənubda, xüsusən də Melitopol və Baxmut istiqamətlərində hücum əməliyyatını davam etdirir. Baş Qərargah bu yöndə ərazilərin tədricən azad edildiyini açıqlayıb.

Ruslar Baxmut istiqamətində Qriqorivka, Klişçivka və Andriv yaşayış məntəqələri ərazilərində itirilmiş mövqelərini bərpa etməyə uğursuz cəhd göstərib. Rusiya qüvvələri Baxmut şəhərinin cənubunda ağır itki verib.

Rusiya qoşunlarının Avdiv və Marin istiqamətlərindəki cəhdləri də uğursuz alınıb. Ruslar Marin və Krasnoqorivkada 15-dən çox uğursuz hücum əməliyyatı keçirib.

Ukrayna ordusu Şaxtyor istiqamətində Zolota Niva və Rivnopil, eləcə də Zaporojedə Verbovoy və Robotin yaşayış məntəqələrində Rusiyanın hücumlarını dəf edib. Rusların Xarkov vilayətinin Zıbını şəhərinə hücumu da dayandırılıb.

Ukrayna müdafiə qüvvələri Makiyivka və Dibrovada 7 hücum cəhdinin qarşısını alıb.