İsrail Qəzza planını açıqladı – “HƏMAS-ı yox etdikdən sonra...”

İsrail müdafiə naziri Yoav Qallant Qəzzada quru əməliyyatları ilə bağlı planlarını açıqlayıb.

Teleqraf.com xəbər verir ki, nazir əməliyyatların üç mərhələdə həyata keçiriləcəyini deyib.

Qallant əməliyyatın birinci mərhələsinin HƏMAS-ın məhv edilməsi üzərində qurulduğunu bildirib:

“HƏMAS-ı hərbi əməliyyatla məğlub edib, infrastrukturuna zərər vuracağıq”.

HƏMAS-a zərbə endirdikdən sonra ikinci mərhələdə qarşıdurmanı azaldacaqlarını söyləyən Qallant üçüncü - son mərhələdə Qəzza zolağında yeni təhlükəsizlik çətiri quracaqlarını və israillilərin həyatını qoruyacaq bir sistem yaradacaqlarını açıqlayıb.

Dünən Qəzza sərhədindəki hərbi hissələrə baş çəkən İsrail müdafiə naziri belə demişdi:

“Siz indi Qəzzaya kənardan baxırsınız, tezliklə onu içəridən görəcəksiniz”.