Ruslar üçün uğursuz gün – Bütün hücumları dəf edildi

Son sutka ərzində Ukrayna cəbhəsində tərəflər arasında 69 toqquşma baş verib. Rusiya qüvvələri bütün istiqamətlərdə hücuma keçiblər. Ruslar israrla Marin və Avdivə hücum edir, amma uğur qazana bilmirlər.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rusiya ordusunun Kupyan istiqamətində Sinkivkaya, Liman istiqamətində Stelmaxivka və Novoyeqorivka yaxınlığında hücumları Ukrayna qüvvələri tərəfindən dəf edilib. Baxmut istiqamətində Klişçivka və Andrivka rayonlarına hücumların qarşısı da alınıb.

Rusiya qoşunları Avdiv şəhərini mühasirəyə almaq cəhdlərini dayandırmır. Ukrayna ordusu bu istiqamətdə müdafiəni möhkəm saxlayır. Ruslar Novokalynov, Avdiv, Pervomays və Donetsk vilayətinin cənub-şərqinə hücuma keçib, Ukrayna hərbçiləri bu istiqamətlərdə qarşı tərəfin 9 həmləsini dəf edib.

Rusiyanın Marin və Şaxtyor isiqamətlərindəki cəhdləri də nəticəsiz bitib. Zaporoje vilayətinin Verbovoy və Robotin qəsəbələrində rusların 4 hücumunun qarşısı alınıb.

Ukrayna ordusu Melitopol istiqamətində hücum əməliyyatını davam etdirir.