LGBT Rusiyada ekstremist hərəkat kimi tanındı

Rusiyada LGBT beynəlxalq ictimai hərəkatınının fəaliyyəti qadağan olunub.

Teleqraf.com Rusiya KİV-ə istinadən xəbər verir ki, Rusiya Ali Məhkəməsi LGBT beynəlxalq ictimai hərəkatını ekstremist təşkilat kimi tanıyıb.

İşin materiallarda gizli materiallar olduğundan, məhkəmə iclası qapalı rejimdə keçirilib.

Qeyd edək ki, bir qədər əvvəl Rusiyanın Ədliyyə Nazirliyi məhkəməyə LGBT beynəlxalq ictimai hərəkatının qadağan olunması barədə iddia ilə müraciət edib. İddiada qeyd olunub ki, hərəkatın Rusiya ərazisində fəaliyyətində ekstremizmin müxtəlif təzahür və əlamətləri aşkarlanıb.