İŞİD-ə qarşı kömək istəyirik – İraq Rusiyaya müraciət etdi

"Rusiyanın İŞİD terror təşkilatıyla döyüşümüzdə köməkçi olmasını istəyirik. Terrorun təsiri yalnız İraqı deyil, bütün bölgə və dünyanı əhatə edib".

Teleqraf.com-un məlumatına görə, müvafiq açıqlama ilə bu gün İraqın baş naziri Heydər əl-İbadi çıxış edib.

Baş nazir bu fikirləri Rusiya prezidenti Vladimir Putinin xüsusi nümayəndəsi Mixail Boqdanovu qəbul edərkən səsləndirib.

İbadi ilə Bagdanov İraq və bölgədəki siyasi inkişaf təmayülləri ilə əlaqədar iki ölkəni maraqlandıran məsələləri ətraflı müzakirə ediblər.

Görüşdə təhlükəsizlik, enerji, neft, silahlandırma və iqtisadi əlaqələrlə bağlı mühüm məqamlar da xüsusi müzakirə mövzusu olub.

Nail Cəlil