Rusiya ordusu irəliləyir – Yeni mövqelər ələ keçirildi

Rusiya qoşunları Zaporoje vilayətinin qərbində irəliləyərək əks-hücum zamanı Ukrayna ordusunun tutduğu mövqeləri yenidən ələ keçirib.

Teleqraf.com xəbər verir ki, bu barədə ABŞ-nin Müharibə Araşdırmaları İnstitutu (ISW) məlumat yayıb.

Bu, Ukrayna Silahlı Qüvvələrinin Robotin qəsəbəsi yaxınlığındakı mövqelərə çəkilməsindən sonra baş verib.

Rusiya ordusu Verbovoydan qərbə (Robotindən 9 km şərqdə) irəliləyib. ISW-nin fikrincə, Ukraynanın avqustda geri aldığı bu mövqelər taktiki cəhətdən önəmli idi. Həmin mövqelər Ukraynaya sıx minalanmış sahələrdən və rus ordusunun digər müdafiə sədlərindən keçərək hərəkət arealını genişləndirməyə imkan verə bilərdi.