Ukrayna ötən il Qərbdən 42 milyard dollar aldı

Kiyev 2023-cü ildə Qərb tərəfdaşlarından 42,5 milyard dollar alıb, lakin bu məbləğin yalnız dörddə biri qrant şəklində, yəni pulsuz verilib.

Teleqraf.com xəbər verir ki, bu barədə Ukraynanın maliyyə naziri Sergey Marçenko məlumat verib.

"2023-cü ildə beynəlxalq tərəfdaşlarla 300-dən çox işçi görüşü keçirildi. Biz Ukraynanın büdcə ehtiyacları üçün 42,5 milyard dollar topladıq, bunun 25%-i qrant dəstəyi olub", - nazir bildirib.

Həmçinin, Maliyyə Nazirliyinin rəhbəri qeyd edib ki, daxili bazarda borclanma ötən illə müqayisədə iki dəfə artıb və 15,5 milyard dollar təşkil edib.