"Boko Haram" qətliam törətdi: 15 ölü

Nigeriyada “Boko Haram” terrorçu qruplaşması daha bir qətliam törədib. Silahlılar Mayduquri şəhərinin yaxınlığındakı kəndə hücum ediblər.

Teleqraf.com-un BBC-yə istinadən məlumatına görə, nəticədə ən azı 15 nəfər ölüb.

Məlumata görə, yaraqlılar kəndi gülləboran edib, evlərin çoxunu yandırıblar.

Qeyd edək ki, ölkənin şimal-şərqindəki hadisə Nigeriya prezidenti Qudlak Conatanın bölgəyə səfəri ərəfəsində baş verib.