Almaniya Kiyevə zirehli texnika göndərdi

Almaniya bir həftə ərzində Ukraynaya 18 zirehli transportyor, artilleriya mərmisi, zirehli texnika, eləcə də onlarla kəşfiyyat pilotsuz uçuş aparatı tədarük edib.

Teleqraf.com xəbər verir ki, bu barədə Berlinin Kiyevə təhvil verdiyi və ya vermək niyyətində olduğu Almaniya hökuməti tərəfindən dərc edilən yenilənmiş silah siyahısında qeyd olunub.

Siyahıda 18 zirehli transportyor, 4 minə yaxın 155 mm çaplı artilleriya mərmisi, 3 "Wisent 1" zirehli minatəmizləmə maşını, bir "Dachs" mühəndis tankı, 9 mina tralı, 58 kəşfiyyat PUA, 4 patrul maşını, 500 LED fənəri və s. telekommunikasiya avadanlığı barədə məlumat verilib.