Şoyqu Putinə Avdeyevkanın tam nəzarətə götürülməsi barədə məruzə etdi

Rusiya müdafiə naziri Sergey Şoyqu prezident Vladimir Putinə Ukraynanın Donetsk vilayətinin Avdeyevka rayonun nəzarətə götürüldüyünü məruzə edib.

Teleqraf.com xəbər verir ki, bu barədə Rusiya Müdafiə Nazirliyi məlumat yayıb.

Şoyqu Avdeyevkanın general-polkovnik Mordviçevin komandanlığı altındakı Mərkəz qoşun qruplaşmasının tam nəzarətinə keçdiyi barədə məruzə edib.

Bildirib ki, Ukrayna Silahlı Qüvvələrinin Avdeyevka uğrunda gedən döyüşlərdə son 24 saat ərzində itkiləri 1500-dən çox hərbçi olub.