İranın helikopter travması: Rəisi Əhmədinejad və Bənisədr qədər şanslı olmadı

Mərhum prezident İbrahim Rəisi İranda hava nəqliyyat qəzası ilə üzləşən ilk siyasi lider deyil.

Teleqraf.com xəbər verir ki, qəzaya uğrayan digər İran liderləri son anda xilas olsalar da, Rəisi onlar qədər şanslı olmayıb.

İranda rejimin ilk prezidenti olmuş və son anda ölkədən qaçaraq həyatını xilas edən Əbülhəsən Bənisədrin ardınca Məhəmməd Əlirəcayi, Mustafa Xomeyni, Əhməd Xomeyni, Şəriətmədari, Təliqani, Mütəhərri, Beheşti, Rəfsəncani, Sadiq Qütbzadə də oxşar ssenarilərlə üzləşib.

2013-cü ildə keçmiş prezident Mahmud Əhmədinejadın mindiyi helikopter də qəzaya uğramışdı. Əhmədinejadın ölkənin şimalındakı dağlıq bölgədə tunelin açılış mərasimində iştirak etmək üçün mindiyi helikopter məcburi eniş etmişdi. İran lideri olayda xəsarət almamışdı.