Çeçenistan rəhbərinin oğlu nazir oldu

Çeçenistan rəhbərinin oğlu Axmat Kadırov bölgənin bədən tərbiyəsi və idman naziri vəzifəsinə təyin edilib.

Teleqraf.com xəbər verir ki, bu barədə respublikanın başçısı Ramzan Kadırov "Telegram" kanalında məlumat verib.

"Axmat Kadırov Çeçenistan Respublikasının Bədən Tərbiyəsi və İdman Naziri vəzifəsinə təyin edilib, əvvəllər bu vəzifəni icra edən İsa İbrahimov Çeçenistan Respublikasının hökumət administrasiyası rəhbərinin müavini vəzifəsinə keçirilib", - o yazıb.