Lukaşenko Rəisinin ölümündə ABŞ-ni günahkar bildi

Belarus lideri Aleksandr Lukaşenko İran Prezidenti İbrahim Rəisinin faciəli şəkildə ölümündə ABŞ-nin sanksiya siyasətinin rol oynadığını bildirib.

Teleqraf.com xəbər verir ki, bu haqda “BelTA” yazıb.

Onun sözlərinə görə, Vaşinqtonun məhdudlaşdırıcı tədbirləri, xüsusən də İran liderinin helikopterinin texniki xidmətinə mane olub.

“ABŞ-nin iyrənc siyasəti buna səbəb oldu. İlk növbədə, sanksiyalar. Onların adam daşıyan təyyarələrə qarşı sanksiya tətbiq etməyə haqqı yox idi. Bu da onların günahıdır. Onlar bu helikopterə xidmət göstərməyi qadağan ediblər”, - Lukaşenko qeyd edib.

O, əlavə edib ki, bu barədə Belarus Prezidenti kimi deyil, ilk növbədə adi insan kimi danışır.