Avqustun 26-da səhər saatlarında Ukrayna tərəfdən Polşaya pilotsuz təyyarə daxil olub və hazırda onun axtarışı aparılır.
Teleqraf.com xarici mətbuata istinadən xəbər verir ki, bu barədə Polşa Silahlı Qüvvələrinin əməliyyat komandiri Maçey Klis deyib.
Onun sözlərinə görə, Ukraynanın Çervonoqrad şəhərindən Polşa ərazisinə uçan naməlum obyekt üç radar stansiyası tərəfindən aşkarlanıb. Polşa üzərində təxminən 25 km uçduqdan sonra obyekt radarlardan itib. Kliş bunun Rusiyanın "Şahed" kamikadze pilotsuz təyyarəsi ola biləcəyini deyib.