Deputatlar Makronun vəzifədən kənarlaşdırılması ilə bağlı qətnamə imzaladı

Fransada deputatlar Emmanuel Makronun hakimiyyətdən uzaqlaşdırılmasını tələb edən qətnamə imzalayıb.

Teleqraf.com xarici mətbuata istinadən xəbər verir ki, bu barədə "Franceinfo" radiostansiyası məlumat yayıb.

Məlumata görə, sənədi “Yeni Xalq Cəbhəsi” sol blokundan olan 81 deputat, o cümlədən “Əzilməmiş Fransa” fraksiyasının 72 nümayəndəsi, həmçinin Yaşıllar və “Sol Demokratlar və Respublikaçılar” qrupunun digər deputatları dəstəkləyib.
Qətnamə müəllifləri parlamentdən prezidentə qarşı impiçment proseduruna başlamağı tələb edirlər.

Buna səbəb Makronun Fransa tarixində görünməmiş 7 iyul seçkilərində qalib gələn koalisiyadan baş nazir təyin etməkdən imtina etməsidir.

İmpiçment qətnaməsi avqustun sonunda "France Defiant" partiyası tərəfindən irəli sürülüb. Təşəbbüsün baxılması Milli Assambleyanın (parlamentin aşağı palatası) bürosundan keçməlidir, bundan sonra mətn qanunvericilik komissiyası tərəfindən təsdiqlənərək səsverməyə çıxarılacaq. Qətnamənin qəbulu üçün parlamentin hər iki palatasının deputatlarının üçdə ikisinin dəstəyi tələb olunacaq.