Fətullah Gülən uzun müddət sonra görüntüləndi - Foto

FETÖ terror təşkilatının lideri Fətullah Gülən uzun zamandan sonra görüntülənib.

Teleqraf.com xəbər verir ki, Anadolu Agentliyi onun 1999-cu ildən bəri yaşadığı Pensilvaniya ştatındakı yeni evindən çıxarkən dronlar vasitəsilə çəkilmiş görüntülərini yayıb.

Qara rəngli “Mercedes”in ön sərnişin oturacağında əyləşən Gülən kameralara tuş gəlib.

İki lüks avtomobil naməlum istiqamətə doğru hərəkət edərək onu ərazidən uzaqlaşdırıb.

Qeyd edək ki, meşədə yerləşən və təxminən 887 min - 1 milyon dollar dəyərindəki malikanə ətrafına və girişinə yerləşdirilən təhlükəsizlik kameraları ilə mühafizə olunur.

Həyətində 4 lüks avtomobil, qar motosikleti və karavan kimi nəqliyyat vasitələri də var.