Livanda BMT qərargahı vuruldu

Birləşmiş Millətlər Təşkilatının Livandakı Müvəqqəti Qüvvələrinin qərargahı artilleriya mərmisi ilə vurulub.

Teleqraf.com xarici mətbuata istinadən xəbər verir ki, bu barədə təşkilatın "Telegram" kanalında məlumat yayılıb.

“Bu gün günortadan sonra 155 mm-lik canlı artilleriya mərmisi UNIFIL-in Şamadakı Sektor Qərb qərargahına düşüb. Mərmi partlamadı”, - məlumatda bildirilib.

Qeyd olunur ki, İtaliyanın bomba zərərsizləşdirilməsi üzrə mütəxəssisləri sürətlə ərazini mühasirəyə alıb və idarə olunan partlamanı həyata keçirib. Sülhməramlılardan heç biri xəsarət almayıb.