Türkiyədə terrorçu dəstə üzvləri həbs edilib

Türkiyənin Ağrı vilayətində keçirilən antiterror əməliyyatı nəticəsində 14 nəfər həbs edilib.

Teleqraf.com xəbər verir ki, zərərsizləşdirilən dəstə terrorçu Kürd Fəhlə Partiyasının (PKK) törəməsi olan YDG-H qruplaşmasına aiddir. Dəstə üzvlərindən xeyli miqdarda silah və sursatın ələ keçirildiyi bildirilir. Verilən məlumata görə, əvvəlcə 19 nəfər saxlansa da onlardan 5-i sərbəst buraxılıb.

Ölkənin Şırnak bölgəsində isə İraq ərazisindən gələn 8 PKK-çı hökumət qüvvələrinə təslim olub.