“Google” şirkəti “Instagram”a rəqib olacaq

ABŞ-ın internet nəhəngi “Google” öz foto xidmətini təqdim edib.

Teleqraf.com xəbər verir ki, yenilik populyar “Instagram” xidmətinə rəqib olacaq.

Şirkətin press-relizinə əsasən, “Google Photos” adlı xidmətin hazırlanması zamanı əsas məsələlərdən biri istifadəçilərə istənilən qurğunun köməyi ilə fotoşəkli bir yerdə saxlamaq imkanı yaratmaq olub.

Bundan başqa, yeni xidmət istifadəçiyə fotoşəkli effektiv axtarmağa imkan verəcək. Bundan ötrü “Google” sifətin tanınması texnologiyasından istifadəni planlaşdırır.

İnternetə daxil olmağa imkan verən istənilən qurğudan “Google Photos” xidmətinə giriş əldə etmək mümkün olacaq. Bu halda şirkət fotoşəkillər üçün limitsiz həcmdə saxlanc yeri və yüksək keyfiyyətli (16 meqapikselə kimi) fotoşəkil dəstəyinə söz verib.

Rüstəm