BMT sülhməramlılarına hücum: 6 ölü, 5 yaralı

Malidə naməlum silahlılar Birləşmiş Millətlər Təşkilatının Təhlükəsizlik Missiyasına aid avtomobil karvanına hücum edib.

Teleqraf.com xarici mediaya istinadən xəbər verir ki, hadisə zamanı 6 sülhməramlı hərbçi ölüb, 5-i isə yaralanıb. Rəsmi məlumatlara görə, ölkənin şimalındakı Timbuktu bölgəsində pusqu quran silahlı qrup sülhməramlılara aid 2 avtomobilə də atəş açıb.

Birləşmiş Millətlər Təşkilatının Baş katibi Pan Gi-Mun hücumu qınayaraq, günahkarların tez bir zamanda məhkəmə qarşısına çıxarılmasını istəyib.

Qeyd edək ki, ölkənin şimalındakı silahlı qruplarla hökumət arasında ötən ay imzalanan sülh razılaşmasına baxmayaraq, hücumlar davam edir.

Samir