Rusiya pendir idxalçılarını həbs etdi

Rusiya polisi qaçaqçılıqla ölkəyə 30 milyon dollarlıq pendir gətirməkdə şübhəli bilinən 6 nəfəri həbs edib.

Polis həmçinin əməliyyat zamanı pendir istehsalında istifadə olunan 470 ton material müsadirə edib.

Qeyd edək ki, Rusiya Ukrayna böhranına görə ona qarşı tətbiq edilmiş beynəlxalq sanksiyalara cavab olaraq bir sıra Avropa ölkələrindən ərzaq və tərəvəz məhsullarına embarqo qoyub.

Amma son vaxtlar bu qadağanın kütləvi pozulduğu müşahidə olunur.

Dünya bazarında neftin kəskin düşməsi və Qərbin sanksiyaları Rusiya iqtisadiyyatına ciddi ziyan vurur.