Küveyt də neft hasilatının dondurulmasına razılıq verdi

OPEK-ə üzv olan ölkələrdən daha biri — Küveyt də neft hasilatını hazırkı səviyyədə dondurmağa razılıq verib.

Virtualaz.org "Bloomberg"-ə istinadən bildirir ki, gündə 3 milyon barel neft çıxarılan Küveytdə bu razılıq ən azı 3 ay müddətində etibarlı olacaq.

Xatırladaq ki, bundan əvvəl, Rusiya və OPEK-ə üzv bir neçə ölkənin nümayəndələri (Səudiyyə Ərəbistanı, Qətər və Venesuela) Dohada keçirilən danışıqların yekunu üzrə neft hasilatını 11 yanvara olan səviyyədə dondurmaq barədə razılıq əldə ediblər.