ABŞ-ın Suriya ilə bağlı “B planı”nı - “Wall Street Journal”dan şok iddia

“Mərkəzi Kəşfiyyat İdarəsi (MKİ) və onun regiondakı tərəfdaşları Suriyada atəşkəsin pozulması vəziyyətində yeni plan hazırlayıblar”.

Teleqraf.com xəbər verir ki, bununla bağlı “Wall Street Journal” qəzeti MKİ-nin nümayəndəsinə istinadən məlumat yayıb.

Nəşrin məlumatına görə, “B planı”nın mahiyyəti suriyalı müxalifləri silahla təmin etməkdən ibarətdir: “Müxaliflər bununla Suriya rejiminin təyyarə və artilleriya qurğularını məhv etmək imkanına malik olacaq”.

MKİ nümayəndəsi bildirib ki, idarə öz əməkdaşlarını məsələ ilə bağlı xəbərdar edib: “Xəbərdar olunub ki, silahlar ancaq atəşkəsin pozulması və münaqişənin siyasi həllinin mümkünsüzlüyü vəziyyətində göndəriləcək”.

Qeyd edək ki, Suriyada fevralın 27-də atəşkəs barədə saziş imzalanıb.

Samir