Paşinyanın addımı rus polkovniki qəzəbləndirdi - “Ölümcül səhvdir”

Ermənistanın apardığı yanlış siyasətin nəticələri ölümcül ola bilər.

Teleqraf.com xəbər verir ki, bunu rusiyalı hərbi ekspert, polkovnik İqor Korotçenko deyib.

“Fransa və Avropa Birliyinin qucağında oturan Ermənistanın Baş naziri Nikol Paşinyan hələ də Vladimir Putini Rusiya prezident seçkilərində qələbəsi münasibətilə təbrik etməyib. Halbuki MDB və KTMT ölkələrinin bütün, eləcə də bir çox başqa dövlətlərin liderləri artıq bunu ediblər.

Nikol Vovayeviç, siz bir siyasətçi kimi özünüz və Ermənistanın taleyi üçün ölümcül səhv edirsiniz”, - polkovnik bildirib.