Musa Quliyev Almataya gedib

Milli Məclisin deputatı Musa Quliyev “Gələcəyimizi zənginləşdirək” mövzusunda keçiriləcək regional tədbirdə iştirak etmək üçün Qazaxıstanın Almatı şəhərinə gedib.

Teleqraf.com xəbər verir ki, Qazaxıstan Respublikası hökuməti tərəfindən USAID GAIN və UNICEF-lə birgə təşkil olunan yığıncaqda müxtəlif ölkələrin parlamentariləri, səhiyyə, digər müvafiq nazirlik və komitələrin rəsmiləri, ekspertlər iştirak edir.

Toplantıda qadın və uşaq orqanizminin möhkəmləndirilməsi, problemlərin aradan qaldırılması istiqamətində səhiyyə sistemində görülən işlər barədə müzakirələr aparılacaq. Yığıncaq iştirakçiları bu sahədə əldə edilmiş nailiyyətlər, ortaya çıxan çətinliklərin həlli yolları və öz təcrübələri barədə fikirlərini bölüşəcəklər.

Deputatımız mövzuya dair fikirlərini açıqlayacaq, bununla bağlı ölkəmizdə həyata keçirilən proqramlar barədə məlumat verəcək.

Cavad