Qohumunu bıçaqlayan şəxs məhkəmə zalında həbs edildi

Bu gün Bakı Ağır Cinayətlər Məhkəməsində qəsdən sağlamlığa ağır zərər vurmaqda təqsirləndirilən 1994-cü il təvəllüdlü Orxan Fərzəliyevin cinayət işi üzrə məhkəmə prosesi başa çatıb.

Teleqraf.com xəbər verir ki, 2016-cı ilin noyabrında Siyəzən şəhərində Orxan Fərzəliyev aralarında yaranan münaqişə zəmnində qohumu Samir Məmmədovu bıçaqlayıb. Xəstəxanaya çatdırılan Samir Məmmədovun həyatını xilas etmək mümkün olub.

Hakim Əlövsət Abbasovun sədrliyi ilə keçirilən prosesdə təqsirləndirilən şəxsə hökm oxunub.

Orxan Fərzəliyev 4 il 6 ay müddətinə azadlıqdan məhrum edilib.

Onun barəsində seçilmiş polisin nəzarətinə verilmə qətimkan tədbiri həbs qətimkan tədbiri ilə əvəz olunub və o, məhkəmə zalında həbs edilib.

Hacı Zeynalov