Oğuz və Qəbələdə yanğın nəzarətə götürüldü - FHN

Föqəladə Hallar Nazirliyi (FHN) Böhran Vəziyyətlərində İdarəetmə Mərkəzinə daxil olmuş məlumata əsasən, Oğuz rayonunun Xaçmaz kəndində və Qəbələ rayonunun Tikanlı kəndində meşə zolağında baş vermiş yanğınlar nəzarətə götürülüb.

FHN-dən Teleqraf.com-a verilən məlumata görə, yanğınların yayılmasının qarşısı alınıb. Fövqəladə Hallar Nazirliyinin müvafiq qüvvə və texnikası tərəfindən yanğınsöndürmə işləri davam etdirilir.

Əlavə məlumat veriləcək.