Türkiyədə Karlov cinayətinin sirri açıldı - 697 fayl…

Rusiyanın Ankaradakı səfiri Andrey Karlovun qətli ilə bağlı aparılan araşdırmalarda yeni məlumatlar üzə çıxıb.

Teleqraf.com xarici mediaya istinadla xəbər verir ki, səfirə sui-qəsddə ittiham olunan Mövlüd Mərd Altındaşın kompüterindən silinmiş fayllar bərpa olunub.

Bu işdə Türkiyə polisinə rusiyalı həmkarları yardım edib.

Ümumilikdə 697 faylın bərpa edildiyi bildirilir.

Sənədlərdən 2-si “Fətullah Gülən”, 690-ı “Hizmət”, 4-ü “FETÖ” və biri “Nur Camaatı” adını daşıyıb. Rusiyalı polislər bərpa edilmiş hard-diskdə “Əl-Qaidə”, “Əl-Nusra”, “İŞID” sözlərini axtarışa veriblər. Amma bununla bağlı heç bir məlumat aşkar edilməyib.

Prokurorluq Altındaşın FETÖ üzvü olduğunu və cinayətin də FETÖ tərəfindən təşkil edildiyini açıqlayıb.