Müsavat qurultayını Əmircanda keçirəcəyini dəqiqləşdirdi

Müsavat Partiyası qurultayının keçiriləcəyi yeri və vaxtı təyin edib.

Partiyanın mətbuat xidmətindən Teleqraf.com-a verilən məlumata görə, partiya 8-ci qurultayını sentyabrın 27-də Suraxanı rayonu, Əmircan qəsəbəsi, Park küçəsi 26 ünvanında yerləşən Səttar Bəhlulzadə adına Mədəniyyət sarayında keçirəcək. Qurultayın açılış mərasimi saat 11.00-da olacaq.

Səttar Bəhlulzadə adına Mədəniyyət sarayına metronun “Nərimanov” stansiyasından başlayaraq “Koroğlu” (keçmiş “Əzizbəyov”) stansiyasından keçən 184 saylı marşrutla Əmircan qəsəbəsində Məhkəmənin yanındakı dayanacaqda düşmək şərtilə, metronun “Qara Qarayev” stansiyasından 113 saylı marşrut avtobusu ilə Suraxanı rayon Polis İdarəsinin yanındakı dayanacağa qədər gəlmək olar.

Nərgiz