Qadının evinə gecə yarısı basqın edildi - Lənkəranda olay

Lənkəranda yaşayış evlərindən birinə basqın edilib.

Teleqraf.com xəbər verir ki, Lənkəran şəhər-rayon polis şöbəsinə müraciət edən Separadi kənd sakini D.İbadova fevralın 20-də saat 3 radələrində evinə girmiş bir nəfərin onu bıçaqla hədələyərək qızıl boyunbağısını və mobil telefonunu aldığını bildirib.

Lənkəran şəhər-rayon polis şöbəsi və Nizami rayon Polis İdarəsinin 23-cü polis bölməsi əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Lənkəran şəhər sakinləri K.İsmayılov və R.Məcidzadə müəyyən edilərək saxlanılıblar.

Faktla bağlı araşdırma aparılır.