Kolumbiyada helikopter qəzası - 5 polis öldü

Kolumbiyanın şimalında polis helikopterinin qəzaya uğraması nəticəsində 5 nəfər ölüb.

Teleqraf.com xəbər verir ki, bu barədə ölkə prezidenti İvan Duke “Twitter” hesabında yazıb.

Prezident bildirib ki, Bolivar departamentinin cənubunda Kantaqalo bölgəsində baş verən helikopter qəzasında beş polisin qəhrəmancasına həlak olmasından dərin təəssüf hissi keçirir.

Duke qəzanın başvermə səbəblərinin araşdırılacağını da qeyd edib.