İranda yük qatarı aşdı: Yaralılar var

İranın şimalında yerləşən Simnan vilayətində yük qatarı aşıb.

Teleqraf.com-un məlumatına görə, bunu İranın Simnan Qırmızı Aypara Cəmiyyətinin sədri Müzəffər Məhəmmədxani jurnalistlərə açıqlamasında deyib.

M.Məhəmmədxaninin sözlərinə görə, Aradan-Sorxə arasında qatar relsdən çıxıb. Nəticədə maşinist və iki köməkçisi yaralanıb. Yaralılar xəstəxanaya yerləşdiriliblər.

Məhəmmədxani deyib ki, hadisəyə səbəb qatarda texniki nasazlıq olub.
Faktla bağlı araşdırma aparılır.