Məhkəmə sədri vəfat etdi

Azərbaycanda məhkəmə sədri vəfat edib.

Teleqraf.com xəbər verir ki, Bakının Pirallahı rayon Məhkəməsinin sədri Tapdıq Mahmudov dünən axşam dünyasını dəyişib.

Mahmudov Tapdıq Şükür oğlu 1961-ci ildə anadan olub və 1988-ci ildə Azərbaycan Dövlət Universitetinin hüquq fakültəsini bitirib.

Tapdıq Mahmudov 1988-ci ildə 3 saylı FTŞ-də hüquq məsləhətçisi, 1988-1991-ci ildə Ordubad rayon Məhkəməsində iclas katibi, 1991-1992-ci illərdə Naxçıvan şəhər Məhkəməsində dəftərxana katibi, 1992 1993-cü illərdə Ordubad rayon Prokurorluğunda stajçı müstəntiqi, 1993-1994-cü illərdə Naxçıvan MR Prokurorluğu Məhkəmə qərarlarının qanuniliyinə nəzarət şöbəsinin prokuroru, 1994-1997-ci illərdə Naxçıvan MR Prokuroru yanında MTO-da qanunların və CQ-nin icrasına nəzarət üzrə böyük köməkçi, 1997-2000-ci ildə Respublika Prokurorluğu Cəzaların icrasına nəzarət idarəsinin prokuroru, 2000-2007-ci illərdə Nəsimi rayon Məhkəməsinin hakimi, 2007 - 2015-ci illərdə Ali Məhkəmənin hakimi, Hərbi Kollegiyasının sədri, 2015-2021-ci illərdə Gəncə Apelyasiya Məhkəməsinin sədri,2021--ci ildən isə Pirallahı rayon Məhkəməsinin sədri vəzifələrini icra edib.

Tapdıq Mahmudov 2010-cu ildə Hakimlərin Seçki Komitəsinin üzvü, 2018-ci ildə Azərbaycan Respublikası Ümumi Məhkəmə Hakimləri İctimai Birliyinin (Assosiasiyasının) İdarə Heyatinin sədr müavini, 2018-ci ildə Azərbaycan Respublikası Məhkəmə Hakimləri Assosiasiyalarının İttifaqının İdarə Heyatinin üzvü seçilib.