Füzulidə oğurluqdan gələn şəxs qəza törətdi – Təfərrüat

Füzuli rayon polis şöbəsinə mayın 21-də Əhmədbəyli kəndi ərazisindən kənd sakini Ə.Nəsirova məxsus “VAZ-21099” markalı avtomobilin qaçırılması barədə məlumat daxil olub.

Teleqraf.com xəbər verir ki, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Beyləqan rayon sakini Nizam İsmayılov saxlanılıb.

Onun İmişli rayonu ərazisində yol-nəqliyyat hadisəsi törətməsi də müəyyən olunub.

Faktla bağlı araşdırma aparılır.