Şabranda yanğın lokallaşdırıldı

Şabran rayonunun Çuxurazəmi kəndindəki meşə massivində baş verən yanğın artıq lokallaşdırılıb.

Teleqraf.com xəbər verir ki, bu barədə Fövqəladə Hallar Nazirliyinin əməkdaşları deyib.

Bildirilib ki, hazırda bir qədər tüstülənmə var, digər ərazilərə keçmə təhlükəsi yoxdur:

"Soyutma işləri davam edirilir".

Qeyd edək ki, Şabran rayonu ərazisində yanğınlar avqustun 15-dən etibarən başlayıb. Ötən gecə isə rayonun bəzi kəndlərində baş verən yanğınlar söndürülüb.